Heill og sæll ágæti frændgarður og fylgifiskar.

Sumardagurinn fyrsti nálgast óðum og fyrir okkur Sunnlendinga þýðir það aðeins eitt – sólin komin til að vera og allt sett í fimmta  gírinn við undirbúning sumarhátíðarinnar miklu “ Bakkarölt 2012“.    

Mál dagsins er að koma öllum fyrir í hentuga gistingu því sitt sýnist hverjum og þarfir afar mismunandi.    Gera má ráð fyrir því að flestir kjósi útilegustemminguna og sjái um að  viðhalda tjald/hjólahýsa/fellihýsa stemmingunni í Ljósheimum þar sem aðstaða er til fyrirmyndar. 

Aðrir kjósa frekar gistingu í rúmum í bændagistingu eða á flatsæng á háalofti Ljósheima en þar eru Steinunn, Hannes og Hulda G nú þegar búin að tryggja sér pláss.   Mögulega er pláss fyrir tvo til viðbótar þar. 

Það er hreinlega allt að verða vitlaust í bókunum á „lúxus“ gistingu ( doldið svona 2007...)   og nú þegar erum við búnar að fylla Glæsibæ með glæsilmennum úr okkar röðum þeim Aðalbjörgu, Lillu, Hildi og Valdísi ásamt fylgifiskum. 

Við sáum því strax að eftirspurn er mikil eftir gistingu í þægilegri kantinum. Við höfum því tekið frá fleiri rúm/herbergi í Brennigerði sem er örstutt frá Ljósheimum.  (jafnvel í göngufæri)   Um er að ræða þrjú tveggja manna herbergi og kostar nóttin þar 3.900 pr.mann í svefnpokaplássi.  Þar sem slíka gistingu þarf að panta með löngum fyrirvara þurfum við að fá að vita sem fyrst ef einhverjir hafa áhuga á þessari gistingu.    

Nánar um gönguleiðir og fleiri praktískar upplýsingar síðar.   

Kveðja,Kristjana, Guðbjörg og Halla