Bakkabloggið opnar

4.6.2007 | 20:00

Jæja gott fólk!

Hversu oft höfum við rætt um hvað það væri sniðugt að setja upp heimasíðu fyrir Bakkafólkið? Þar sem undirrituð er afskaplega upptekin við að leita að einhverju að gera þessa dagana (til að forðast það sem ég á að vera að gera) ákvað ég að ríða á vaðið og stofna bloggsíðu fyrir Bakkaröltið og annað sem tengist okkar ágætu fjölskyldu.

Þetta er semsagt hugsað sem vettvangur fyrir okkur öll til þess að opinbera skoðanir okkar, tilfinningar og langanir, sem og til að skiptast á upplýsingum, gamansögum og skotum. Ég hef sent aðgangsupplýsingar á þau netföng sem ég er með - ef þið eruð ekki í þeim hópi, látið mig vita og ég sendi ykkur upplýsingar um hæl!

Einnig má setja inn myndir - eða gera eins og ég hef gert, setja inn tengil á myndasíður eða aðrar síður. Ég fann bara Gulla Stef á blogginu - látið mig vita ef það eru fleiri.

Annars hvet ég ykkur til að vera dugleg að tjá ykkur (held einhvern vegin að það verði ekki vandamál) og halda upplýsingaflæðinu gangandi (verður væntanlega ekki vandamál heldur).

Alda ofurbloggari

Flokkur: Bloggar | Breytt s.d. kl. 20:18 | Facebook

Athugasemdir

Flott framtak hjá þér Alda!!

Brynjan (IP-tala skráð) 4.6.2007 kl. 20:28

Alveg er þetta bara hreinasta snilld Alda! Hlakka til að lesa allt bullið og nytjafræðin sem ég þykist vita að eigi eftir að ritast hér.

kv. Guðbjörg M.

Guðbjörg M (IP-tala skráð) 4.6.2007 kl. 20:28

Alda ótrúlega,

Þú er aldeilis frábær.

Kv. Kristjana

Kristjana Ríkey (IP-tala skráð) 4.6.2007 kl. 21:09

óg, óg. Ég skrifaði óvart í gestabókina, auðvitað á ég heima hér. Fyrsta Bakkasystrakrosssporið. HG

Bakkafjölskyldan, 4.6.2007 kl. 22:13

Velkomin í bloggheima, gott framtak hjá þér Alda.

Gunnlaugur Stefánsson, 4.6.2007 kl. 22:57

Algjör snilld hlakka til að lesa spekina hér

Gerður (IP-tala skráð) 4.6.2007 kl. 23:00

Glæsilegt! Hlakka til að sjá ykkur öll í röltinu

Hildur Soffía (IP-tala skráð) 4.6.2007 kl. 23:24

Það var lagið. Gaman að þessu. Til hamingju með prinsinn Gerður, Þórhallur og co. Hafið það öll sömul gott.

Kveðja, Kristín Gunnars. Odense

Bakkafjölskyldan, 5.6.2007 kl. 07:44

Það eru ekki allir sem kunna að setja inn mynd

Kristín

Bakkafjölskyldan, 5.6.2007 kl. 07:46

Bara að fikta Lærir meðan lifir.

Kristín Gunnarsdóttir (IP-tala skráð) 5.6.2007 kl. 07:52

Þetta er bara góð mynd af þér Kristín mín. Alla vega er Bakkamunnsvipurinn ósvikinn.

Hulda mamma

Bakkafjölskyldan, 5.6.2007 kl. 09:11

Þetta gengur bara vel so far - held að Selfossgengið hafi "vinninginn" í tæknikunnáttu og virkni. Nú verður spennandi að sjá hvernig Huldu gengur að setja inn dagskránna

Bakkafjölskyldan, 5.6.2007 kl. 09:27

Velti því upp við pabba hvort HG væri Hildur eða Hulda. Taldi líklegra að þetta væri Hildur. Taldi mömmu ekki kunna að setja inn mynd (vegna þess að ég kann það ekki) En ég setti þá nafnið mitt. Hver er þessi Bakkaselur nr. 12 ?

Kristín Gunnars. (IP-tala skráð) 5.6.2007 kl. 09:43

Frábært hjá þér Alda! Eru ekki allir farnir að græja skóna fyrir röltið??

Guðbjörg Gunnarsd. (IP-tala skráð) 5.6.2007 kl. 09:47

Þú ert algjör perla Alda. Takk kærlega fyrir þetta. Frábært. Jú, Guðbjörg það er þetta með skóna, það liggur við að ég sé búin að setja þá strax fyrir dyrnar svo ég gleymi þeim ekki eins og í Borgarfjarðarröltinu. Það er líka eins gott að það hafi aldrei vafist fyrir Gunna hver HG er.

Vitið þið að nú eru bara 16 dagar þar til Hildur kemst á sjötugsaldurinn - muhaaaaa

Bíð spennt eftir dagskránni frá Huldu.

Akureyrarfrúin fyrir utan á (IP-tala skráð) 5.6.2007 kl. 10:19

Það var mikið að einhver tók sér til og kom okkur almennilega í alheimsinternetvæðinguna.

Gott framtak Alda, svo bíður maður bara spenntur eftir kommentum, sögum og öðru skemmtilegu frá Homo bakkus.

Sjáumst röltandi

Auður (IP-tala skráð) 5.6.2007 kl. 11:42

Bakkaselur númer tólf er Alda ofurbloggari - en sýnist á gestabókinni að HG sé Hulda... hvað segir það um Gunna???

Kv.

Alda

Bakkafjölskyldan, 5.6.2007 kl. 12:20

Dísús Valdís fékk sjokk þegar þú segir að mamma sé að komast á sjötugsaldurinn, var bara ekki alveg að gera mér grein fyrir elli kellingu! annars erum við hér eins og blóm í eggi og yngsti fjölskyldumeðlimurinn hamast við að stækka og stækka svo hann kominst nú í fyrsta Bakkaröltið sitt þó svo verði ekki nema bara dagspart

Gerður

Bakkafjölskyldan, 5.6.2007 kl. 15:33

Gaman að vera í öflugustu ætt landsins - hlýtur að vera. Firnis gott framtak hjá þér Alda. Gerður, þetta er allt í lagi, það venst alveg að eiga mömmu á sjötugsaldrinum, það er ótrúlegt hvað þær geta haldið sér.

Magnea

Bakkafjölskyldan, 5.6.2007 kl. 16:05

Elsku snúllurnar mínar - það er ekkert að eiga mömmu á sjötugsaldri - ég á eina sem er að verða hálfáttræð! En það er nú bara svoleiðis með Bakkafólkið að það batnar bara með aldrinum - enda er mín móðir afar gott eintak

Alda (IP-tala skráð) 5.6.2007 kl. 16:44

Úps! Ég aulaði mér á gestabókina í gær - svona fer manni sífellt fram. Valdís mín - er í þér einhver ellihrollur? Vertu alveg róleg - ostur er ekki það eina sem skánar með aldrinum. - Mbk, Hildur (HG)

Bakkafjölskyldan, 6.6.2007 kl. 09:15

14 dagar - muhaaaaaaaaa.

Akureyrarfrúin utan ár (IP-tala skráð) 7.6.2007 kl. 08:26

Áfram myndasmiðir. Ég upplifði Austfjarðargönguna hér í einverunni eitt kvöldið. Það er ómetalegt að geta skroppið aftur í tímann öðru hvoru. Er á leiðinni í bæinn að endurnýja göngubuxurnar mínar. Við skulum segja að hinar séu svo slitnar að Stekkholtsfrúin geti ekki látið sjá sig í þeim. Uhm. Kveðja. Sú sem heldur að hún ráði öllu í ár.

Bakkafjölskyldan, 7.6.2007 kl. 09:29