Hver veit ???

Hvaðan  er þessi mynd?

Koma svo vitringar

                                                                                              

Hvaðan er myndin ?

   Kæru Bakkaröltarar.

 

Nú blásum við til getrauna. Þetta er getraun 1.

 

Spurt er, hvaðan er þessi mynd?

 

Byrja núna ...

Það eru aðeins 62 dagar í Bakkarölt 2011 í Þrándarholti

Sæl öll!

 

 

Þá eru línur óðum teknar að skýrast í sambandi við Bakkarölt 2011. Það hefur komið smávegis babb í bátinn síðan síðasta bréf barst, en eins og við vitum, þá geta ekki allir verið gordsjös og þannig er það einnig með kallinn sem var búinn að lofa okkur húsnæði, hann barasta klikkaði á því. En við erum búin að redda öðru húsi í 2 km fjarlægð – og það er alveg fabjúlös :o) Til gamans má geta þess að hús þetta er m.a. í eigu fjármálaráðherra sem er að margra mati bæði flottur og frægur. Þannig að við ættum alveg að meika'ða.

Hér koma helstu atriði:

 

Staður og stund:

Bakkarölt 2011 hefst fimmtudaginn 30. júní kl. 14 og lýkur sunnudaginn 3. júlí.

Tjaldbúðir verða í Þrándarholti í kring um „Gamla bæinn“.

Þeir sem vilja sofa með þak yfir höfðinu á sér geta fengið gistingu inni í Gamla bæ (4 herbergi) annarsvegar, og hins vegar verður gistipláss í Nonnahúsi (Miðhúsum), en þar eru 4 herbergi .www.nonnahus.is. Nonnahús er í göngufæri frá tjaldbúðunum (1- 2 km). Búið er að semja um verð á Nonnahúsi  (það er ekki það sama og gefið er upp á síðunni).

 

 

Dagskrá og dundur:

#Gönguferðir verða skipulagðar að vanda, m.a. inni í Þjórsárdal  – Meira um það síðar.

#Sameiginlegi kvöldverðurinn verður heima í bragganum í Þrándarholti á laugardagskvöldinu.

 

Ýmislegt fleira er hægt að gera sér til ánægju og yndisauka:

#Tvær sundlaugar í 5-10 mínútna fjarlægð

#Búð með helstu nauðsynjum, grilli og ís í 5 mínútna fjarlægð

#Nú og svo er maður manns gaman – við getum farið í leiki og íþróttaálfar hafa nóg pláss til að hreyfa sig. Svo eru beljurnar líka ágætar.

Bestu kveðjur,

Selfoss-systur

 

P.s. Endilega skiptumst á orðum ... Það er svo skemmtilegt

Fjörtíu og fjórir dagar í Bakkarölt 2010

Heil og sæl gæskurnar,

Nú er tími til að hafa smá upplýsingapistil.

Bókun á Bakkaröltið tók skarpan kipp eftir  póst  frá yfirfjárhirðinum.  Nú eru 42 fermdir hausar búnir að skrá sig  (eða aðrir hafa staðfest skráningu fyrir þá), 10 kollar  5 – 13 ára og svo eru 6 ungar yngri en 5 ára ef talning er rétt.  Þetta er mjög ánægjulegt  og  hefur Nembdin  lúmskan grun um að það séu ekki allir búnir að skrá sig sem ætla að koma. 

Í fyrra upplýsingarpistli vantaði að útskýra að Staðarskarð er fjallvegurinn á milli Fáskrúðsfjarðar og  Reyðarfjarðar – vel  akfær. Síðan hann var í notkun eru 2 kynslóðir vega þarna á milli.  Lagt upp ekki langt frá Höfðahúsum.

Tjaldbúar verða að vera sjálfbærir með vatn. Hægt verður að sækja vatn inn í Tunguholt en hvert tjald verður að vera með sínar eigin vatnsbirgðir. Ekkert vatn verður við klósettin.

Þar sem Nembdin gat ekki útvegað húsnæði allt á sama stað mun hún leitast við að vera með sætaferðir á laugardagskvöldinu eftir þörfum á milli Tunguholts og Grunnskólans fyrir þá sem þess óska. Nembdin er einnig búin að láta íbúa Tungu vita að við erum ekki alltaf komin til náða fyrir miðnætti.  Því var vel tekið með þeim orðum að „það verður bara gaman að heyra að er líf á svæðinu.“

Nú er bara að finna eitthvað sem hægt er að fara í YFIR við. Þótt Nembdin sé stór dugir hún ekki til slíks jafnvel þótt hæstu þátttakendum  væri bætt við.  

Öll skemmtiatriði eru vel þegin. Nembdin er hálf geld hvað það varðar.  En maður er nú manns gaman eins og við gamla fólkið segjum (þ.e. hinn fullorðni hluti nefndarinnar) - og svo er það  félagsvistin sem Hildur G. ætlar að stjórna með tilheyrandi verðlaunasætum.

Með bestu kveðju  út í sumarið,

Nembdin

 

Óvissuþættir:

• Veðrið?
• Hvað koma margir í Bakkaröltið 2010?
• Verður búið að slá túnið í Tunguholti?
• Hverjir vilja fóstra Fúsa flakkara  næsta Bakkaröltsár?

BAKKARÖLT 2010

 

Heil og sæl öll,

Þá er undirbúningsnefnd fyrir Bakkarölt 2010 búin að hrista af sér dvala vetrarins.

Bakkaröltið 2010 verður haldið á Fáskrúðsfirði. Munum við um leið minnast þess að 100 ár eru síðan ættmóðirin fæddist og því hefst röltið fimmtudaginn 1. júlí.

Við erum búin að tryggja okkur bændagistinguna að Tunguholti og tjaldstæði á næstu túnum. Í Tunguholti eru 7 herbergi með samtals 12 rúmum og má koma með dýnur til að bæta á gólf (engar aukadýnur eru til staðar). Í húsinu eru 2 snyrtingar, 3 sturtur, eitt lítið eldhús og stofa/borðstofa sem tekur um 12 - 14 manns í sæti. Eldhúsáhöld eru af skornum skammti en einhver samtíningur til.

Síðan höfum við tryggt okkur Grunnskóla Fáskrúðsfjarðar sem er með skólastofur þar sem fólk getur búið um sig - verður sjálft að koma með allan viðlegubúnað. Þar er einnig góð aðstaða til sameiginlegra samverustunda, borðbúnaður og gott eldhús. Það eru ca. 5 km. þarna á milli.

Á túninu við Tunguholt má reisa tjaldbúðir - stærð túnsins ca. 1 fótboltavöllur að sögn Ármanns bónda í Dölum. Nefndin hefur tryggt 2 WC - gáma sem verða til staðar, fáum þar með ekta útihátíðarfíling. Því miður gátum við ekki fengið stærra húsnæði , né allt á sama stað en völdum þennan kostinn til við gætum dvalið í Fáskrúðsfirði . Viljum benda þeim sem ekki geta nýtt sér það sem hér er í boði á hótel á Búðum sem heitir Hótel Bjarg. Þar er hægt að fá herbergi en þau eru ekki ódýr.

Það er mat nefndarinnar að heldri borgararnir (innifalin er þar GM yngri)   sitji fyrir  aðstöðunni í húsinu Tunguholti eins og hægt er.

Þessi verð eru áætluð miðað við meðal þátttöku og áskilur nefndin sér rétt til að sveigja þetta aðeins í báðar áttir ef með þarf.

Vinsamlega tilkynnið sem fyrst þátttöku á netfangið [e-mail] og eins að hafa samband ef spurningar vakna og þið liggið andvaka yfir.

 

Drög að dagskrá:

1. júlí - fimmtudagur

Mæting í Fáskrúðsfjörð. Síðdegisganga fram á kvöld yfir Staðarskarð fyrir þá sem mæta snemma - nánari tímasetning síðar.

2. júlí - föstudagur

Afmælisdagurinn sjálfur - dagskráin er í grófum dráttum svona:

• Gengið inn að Hrútafossi. Hægt að ganga frá Tunguholti, bætast í hópinn við Dali eða aka alla leið.
• Ekið til baka, farið í kirkjugarðinn og heilsað upp á leiði afa, ömmu og Sigmars.
• Aldarafmæliskaffi í Grunnskólanum á Búðum í boði heldri borgaranna (GM ekki innif.).
• Fjallahlaup á góðan tind fyrir þá sprækustu
• Kvöldið frjálst til að tjilla.

3. júlí - laugardagur

Karlsskáli - Vöðlavík.                                    

• Gengið frá Karlskála fyrir Krossanes í Vöðlavík. Þeir sem ekki ganga alla leið leggja seinna af stað, koma yfir í Vöðlavík og ganga á móti hópnum. Farið síðan að Karlsskála að sækja bíla og rifja upp slóðir formæðra og forfeðra.
• Sund fyrir þá sem vilja á Eskifirði
• Sameiginlegur kvöldmatur með léttu ívafi.
• Félagsvist undir stjórn Hildar G.

4. júlí - sunnudagur

Pakkað saman  -  knúsast og ekið varlega heim.

 

Verð á Bakkarölti 2010 eru:

• Uppábúið rúm í Tunguholti: 4.000 kr. nóttin.
• Rúm án rúmfata í Tunguholti: 3.000 kr. nóttin.
• Skólastofa í Grunnskólanum: 9.800 kr. nóttin (fjöldi sem gistir í stofunni er smekksatriði).
• Tjaldstæði við Tunguholt: 2.000 kr. helgin (pr. tjald).
• Leiðsögn fyrir Krossanes á laugardag: 1000 kr. pr. gönguhaus.
• Féló - aðstöðugjald á mann: 2.000 - 3.000 kr. pr. fermdan haus.
• Matur á laugardagskvöld: 2.000 kr. pr. fermdan maga, 800 kr. pr. maga 5 - 13 ára.

Þessi verð eru áætluð miðað við meðal þátttöku og áskilur nefndin sér rétt til að sveigja þetta aðeins í báðar áttir ef með þarf.

Vinsamlega tilkynnið sem fyrst þátttöku á netfangið [e-mail] og eins að hafa samband ef spurningar vakna og þið liggið andvaka yfir óvissuþáttum sem nefndin getur svarað.

Óvissuþættir sem nefndin getur ekki svarað eru eftirfarandi: 

• Veður.
• Verður búið að slá túnið í Tunguholti.
• Hvað koma margir á Bakkarölt 2010.

Með von um að fólk sé nú þegar búið að velta því fyrir sér hvort það ætli í Fáskrúðsfjörð og fyllist ekki valkvíða þegar því er ljóst að það styttist í hátíðina J

Nembdin

Bakkarölt 2009 - borð og bekkir

Steina Ósk Fúsafóstra er utan tölvunálægðar því var ákveðið að ég setti hér inn upplýsingar. 

Sú ákvörðun var tekin að fá annað stórt tjald til samnýtingar. Einnig gátum við útvegað  borð og bekkir fyrir helling af fólki.  Þeir sem eiga og eru alltaf með sínar útilegugræjur koma væntanlega með þær en hinir þurfa ekki að fara í fjárfestingu. 

Steina Ósk biður fólk að taka saman skemmtiatriði til að hafa á laugardagskvöldinu og rifja upp leiki sem við getum spreytt okkur á. 

Með bestu kveðju

Valdís ritari 

 

Bakkarölt 2009

 

Kæru Bakkaröltarar.

Jæja nú er helgin okkar að nálgast og eitthvað eru Fúsa-fóstrur farnar að huga að undirbúningi.  Við teljum okkur vera búnar að ná samningum við "veðurguðina"  þannig að það ætti að vera í höfn.  Við báðum um sólskin og örlítinn andvara (til að feykja burt vargi).  Hversu mikið var tekið mark á okkar bón kemur síðan í ljós.

Eins og áður hefur komið fram þá höfum við aðsetur  í Stórutungu.   Stóratunga er austanmegin í Bárðardal og er vegalengdin ca 45 km frá Goðafossi og  22 km frá  Stöng í Mývatnssveit. 

Í Stórutungu eru tvær íbúðir með 7 herbergjum.  Stofan á efri hæð verður ætluð fyrir svefnpokagesti.  Eldhús og baðherbergi með sturtu er á báðum hæðum og salernisaðstaða í inngangi fyrir tjaldbúa.   

Aðstaða fyrir tjaldbúðir er skammt frá húsinu.    Samkomutjöld í ýmsum stærðum verða á staðnum, þar sem aðstaða verður til leikja, sameiginlegra máltíða og bara það sem okkur dettur í hug.   

Grillpartýið verður á laugardagskvöldið.  Þar verður boðið upp á kjöt, meðlæti og gos.  Aðrar "veigar" verður hver og einn að sjá um sjálfur og einnig viljum við biðja ykkur að hafa meðferðis hnífapör og stóla hver fyrir sinn "bakkarass"

 

Drög að dagskrá:

25. júní - fimmtudagur -- Stóratunga - Aldeyjarfoss - Stóratunga

Við fáum staðinn afhentan kl. 12:00 og er þá góður tími til að mæta á staðinn og koma sér fyrir.

Kl. 18:00 -  Róleg kvöldganga frá Stórutungu að Aldeyjarfossi og jafnvel að Ingvararfossum sem er aðeins ofar í Skjálfandafljóti.   

Þetta er ca 5 - 7 km göngutúr.

Fyrir þá sem vilja ekki ganga er gaman að keyra að Ingvararfossum og Hrafnarbjargarfossum sem eru mjög fallegir fossar ennþá ofar í Fljótinu.

 

26. júní - föstudagur -- Leirhnjúkur - Dalfjall - Jarðböð - Dimmuborgir

Kl. 9:00  - Lagt verður af stað frá Stórutungu og ekið upp í Jarðböðin í Mývatnssveit.  Farið verður  yfir Mývatnsheiði frá Engidal að Stöng.  Það er grófur malarvegur en fær öllum bílum.  Áætlað er að hittast við Jarðböðin kl. 10:00, sameinast í bíla og aka síðan að bílastæðinu við Leirhnjúk.  

Gengið verður frá Leirhnjúk og um Þríhyrninga.  Hrauná rennur milli Þríhyrninga og Dalfjalls og þar verður nestisstopp og  þeir sem vilja ganga hluta leiðar eða bara njóta nestis með okkur koma þangað.  Vegurinn er til vinstri um borplön rétt áður en komið er að Kröfluvirkjun.  Síðan göngum við upp á Dalfjallið,  að Námaskarði og þaðan í Jarðböðin.   

Þetta er u.þ.b. 10 - 11 km gönguleið og er auðveld fyrir alla fætur. 

Eftir gönguferðina er tilvalið að senda fólkið í bað.  Það getum við gert  í Jarðböðunum eða  sundlauginni og jafnvel í Grjótagjá fyrir þá allra hraustustu. 

Eftir baðið ætlum við að hittast í Dimmuborgum, Reinarfólk að monta sig af framkvæmdum á staðnum og reyna að eiga viðskipti við ættingjana og vini.  Fyrir þá sem sem ekki hafa fengið nóg af gönguferðum er upplagt að rölta aðeins um Borgirnar.

 

27. júní - laugardagur -- Suðurá - Stóraflesja.

Kl. 9:30  - Brottför frá Stórutungu og ekið upp í Svartárkot.  Þaðan er farinn slóði að Suðurá sem er fær öllum stærri fólksbílum ca 5 km eða þar sem malarvegur endar.  Hér byrjar gönguferð þeirra sem vilja ganga 14 - 15 km.  Aðrir fá far með Jeppum og ekið verður aðeins lengra eða ca  2,5 km að Stóruflesju.  Þar mun hópurinn sameinast og ganga saman upp með ánni 4 - 5 km og til baka aftur að Stóruflesju.  Slóðinn frá Stóruflesju og upp með ánni er fær jeppum og er því lítið mál að hafa bíl með allan tímann. Þessi gönguferð er mjög auðveld fyrir alla fætur og má alveg mæla með strigaskóm.

Sameiginlegt grill verður í Stórutungu um kvöldið.  Timasetning ákveðin síðar.

 

28. júní - sunnudagur.

Vakna,  teygja úr sér,  pakka saman og skila staðnum kl: 12:00, knúsast og  bruna síðan hver sína leið og Fúsi með nýja fósturforeldra ...???

 

Nokkrar hagnýtar upplýsingar:

Þá er það, hvað hitt og þetta kostar og ath verðin miðast við alla helgina.

Herbergi í Stórutungu án rúmfata       6.000,-  pr. fjölskyldu

Dýna í stofu                                                  2.000,-  pr. fjölskyldu

Tjaldstæði                                           2.000,-  pr tjald, vagn, hýsi eða hús

Sameiginleg aðstaða                          1.000-,          fyrir fermda hausa og eldri

Grillpartý                                            1.500,-  fyrir fermda hausa  og eldri

Grillpartý                                            1.000,- fyrir 7 - 13 ára börn

Frítt fyrir börn undir 6 ára aldri

Tilboð í Jarðböðin ef greitt er fyrirfram          1.000,- fyrir 11 ára og eldri

 

Við munum senda ykkur excel-skjal þar sem útreikningar eru á gistingu, aðstöðu og grillpartýi en varðandi aðgangseyri í Jarðböðin þarf hver og einn að bæta því  við.  Ef  það eru villur í skráningu hjá okkur þá hafið samband við Huldu í síma 5650751 eða 8464450.

Við höfum stofnað reikning á nafni Bakkarölts á kennitölu Valdísar.  Reikningsnúmer er að finna í skjalinu. 

Við viljum biðja ykkur um að greiða inn  á þann reikning fyrir miðvikudaginn 24. júni og  senda kvittun á  [e-mail]  með skýringum hver greiðandinn er.

Sá afgangur sem verður eftir á reikningnum eftir helgina mun ganga til næstu nefndar.

 

Annað sem gott er að vita.

• Við Stórutungu er ekkert skipulagt leiksvæði þannig að það þarf að hugsa fyrir því.
• Næstu matvöruverslanir eru í Mývatnssveit ( ca 50 km) og á Fosshóli ( 45 km).
• Nauðsynlegt er að hafa vargskýlu því þetta er mý-svæði bæði Mývatnssveitin og  Bárðardalurinn. Gott er að hafa derhúfu undir vargskýlunni.

 

Jæja, þá er bara eftir að pakka saman, skutla fjölskyldunni inn í bíl og bruna af stað....

Kveðja, Fanney, Steina Ósk og Hulda

Tilhlökkun 2009

Sæl öll. Nú fer óðum að styttast í Bárðardalsdvölina.  Flugur sem flogið hafa fram hjá hafa hvíslað að  þátttaka sé sem aldrei fyrr. Frábært ,ef þær hafa ekki verið að plata mig. Nú fer að verða spennandi að fá að sjá lista frá Fúsafóstrunum. Maður getur þá farið að undirbúa samræður um þá sem sitja heima. Mig langar líka alveg óskaplega til að vita hversu vel útbúin við þurfum að vera t.d. í sambandi við borð og stóla - tæki og tól, þar sem þetta verður meiri útilega en stundum. Eitthvað er misjafnt hvað mannskapurinn á í sínum geymslum.  Hjá þeim sem stunduðu útilegur á fyrripart seinnihluta síðustu aldar eiga lítið sem  ekkert - fóru þeir bara  til að liggja inni í tjaldi-- múhaaaaaa?  Tek fram að í geymslum Tungusíðu leyndist ótrúlega mikill útilegubúnaður -  sem Brynjuliðið mun fá að nýta. Hvernig er þetta í Stekkholti og Rein?

Hristum okkur og æfum vel fyrir göngurnar t.d. standa oftar upp og ná sér í vatn, rölta í kringum húsið og þeir hörðustu fara út fyrir túngarðinn heima hjá sér  í lgóðan göngutúr. Hef haft fregnir af Esjuförum og fleirum sem hafa verið duglegir við að viðra sig.

Hlakka til að sjá ykkur öll hress og kát

Bestu kveðjur

Valdís frænka 

 

Bakkarölt 2009

Kæru Bakkaröltarar.

Nú líður að því  - dagana 25. – 28.  júní verður Bakkaröltið í ár og að þessu sinni  verður  það útilega lengst inn í landi.

Við munum hafa aðsetur  í Stórutungu í Bárðardal.   Þar er mjög fallegt og skemmtilegar gönguleiðir í næsta nágrenni.  Í Stórutungu er rekin ferðaþjónusta í gamla íbúðarhúsinu.  Í því eru tvær íbúðir með 7 herbergjum (17 rúm).  Einnig dágott pláss fyrir dýnur á gólfum.  Hægt er að fá uppábúið ef þess er óskað.  Eldhús, stofa og baðherbergi með sturtu er á báðum hæðum og salernisaðstaða í inngangi fyrir tjaldbúa. 

Aðstaða fyrir tjaldbúðir er skammt frá húsinu.    Við stefnum á að vera með samkomutjald þar sem aðstaða verður til leikja, sameiginlegra máltíða og bara það sem okkur dettur í hug.

Ein sameiginleg máltíð er að venju á laugardegi.

Drög að dagskrá:

·         25. júní – fimmtudagur.

Staðurinn er okkar eftir kl. 12:00 og er þá góður tími til að mæta á staðinn og koma sér fyrir.

Kl 18:00 -  róleg kvöldganga  að Aldeyjarfossi, sem er u. þ.b. 5 km leið  fram og til baka.  Jafnvel gengið að Ingvararfossum sem er aðeins ofar í Skjálfandafljóti.         

Möguleiki er fyrir þá sem eiga erfitt með gang að keyra  að Ingvararfossum og Hrafnarbjargarfossum sem eru mjög fallegir fossar ennþá ofar í Fljótinu.

·         26. júní – föstudagur.

Ekið upp í Mývatnssveit,  gengið frá Leirhnjúk, um Dalfjall og endað við Jarðböðin.  Þetta er u.þ.b. 11 – 12 km gönguleið og er auðveld fyrir alla fætur.  Einnig hægt að ganga hluta leiðarinnar ef það hentar.

 

Eftir þessa gönguferð er tilvalið að senda fólkið í bað.  Það getum við gert  í Jarðböðunum eða  sundlauginni og jafnvel í Grjótagjá fyrir þá allra hraustustu. 

 

·         27. júní - laugardagur.

Ekið og gengið með Suðurá.  Suðurá er falleg bergvatnsá sem kemur undan  Ódáðahrauni.  Gengið verður á bökkum árinnar og að upptökum hennar.  Þetta er u.þ.b. 10 – 15 km gönguleið og einnig auðveld fyrir alla fætur.  Þeir sem vilja lengri göngu geta haldið lengra niður með ánni að Svartárkoti.

 

·         28. júní – sunnudagur.

Vakna,  teygja úr sér,  pakka saman og skila staðnum kl: 12:00, knúsast og  bruna síðan hver sína leið.

  

Nokkrar hagnýtar upplýsingar

1.      Frá Stórutungu eru  45 km í næstu verslun sem er á Fosshóli.

2.      Kiðagil er 20 km neðar í dalnum þar er hægt að fá einhverjar veitingar.

3.      Stöng í Mývatnssveit er einnig í 20 km fjarlægð það eru seldar veitingar.

4.      Á föstudeginum verðum við í Mývatnssveit og eru þar bæði fjöldi veitingarstaða og góð Strax-verslun til að fylla á vistir.

5.      Næstu sundlaugar eru í Mývatssveit eða á Laugum.

 

Að venju verður verðlagi stillt í hóf en meira um það síðar eða þegar vitað er meira um þátttöku. 

Við viljum biðja ykkur að tilkynna þátttöku til Fanneyjar í síma 464-1777, [e-mail]

 eða til Steinu Ósk í síma 464-4237,  netfang [e-mail]  fyrir 1. júní n.k.

Einnig viljum við biðja ykkur að láta boðskapinn berast til þeirra sem ekki eru á tölvupóstlistanum hjá okkur.

Eftir Bakkarölt

Kæru ættingjar og vinir

Bestu þakkir fyrir frábæra daga á Langanesi. Vona að allir hafi komist heilir heim. Það eru einir gönguskór heimilislausir hjá mér. Góðir skór nr. 39, með rauðum reimum. Urðu eftir í forstofunni á Félagsheimilinu. Einnig  þvottastykki sem var í silfurlituðum poka inni á snyrtingu  Félagsheimilisins. Gott væri að eigendur hafi samband svo þeir fái sitt sem fyrst.

Uppgjör verður sent til ykkar innan tíðar. Á eftir að fá endanlegar töluupplýsingar um kostnað en ég sló lauslega á þetta í gærkvöldi og mér sýnist að þetta ætti ekki að rugga efnahagslífi okkar til falls.

Bestu kveðjur og takk Hulda og Steina fyrir að taka hann Fúsa að ykkur árið 2009

Valdís frænka